𝐂𝐨𝐧𝐠𝐫𝐞𝐬𝐨 𝐃𝐢𝐬𝐜𝐢𝐩𝐞𝐥 𝐂𝐫𝐞𝐚𝐭𝐢𝐯𝐨 𝟐𝟎𝟐𝟒 𝐚 𝐝𝐞𝐬𝐚𝐟𝐢𝐚 𝐜𝐚𝐬𝐢 𝟐𝟎𝟎 𝐩𝐚𝐫𝐭𝐢𝐜𝐢𝐩𝐚𝐧𝐭𝐞 𝐩𝐚 𝐜𝐨𝐦𝐩𝐚𝐫𝐭𝐢 𝐇𝐞𝐬𝐮𝐬 𝐲 𝐛𝐢𝐛𝐚 𝐞 𝐒𝐩𝐞𝐫𝐚𝐧𝐬𝐚!

𝗣𝗮 𝗲 𝗱𝗶 𝘁𝗿𝗲𝘀 𝗯𝗶𝗮𝗵𝗮 𝗰𝗼𝗻𝘀𝗲𝗰𝘂𝘁𝗶𝘃𝗼, hobennan y adulto Adventista di Aruba, Bonaire y Curaçao a bin hunto na Aruba pa celebra e Congreso di Media y Evangelismo Digital di Iglesia Adventista den Caribe Hulandes. Enfatisando su tres obhetivonan cual ta pa 𝗶𝗻𝘀𝗽𝗶𝗿𝗮, 𝗶𝗻𝗳𝗼𝗿𝗺𝗮 𝘆 𝗶𝗻𝘁𝗲𝗴𝗿𝗮; e encuentro tabata un momento pa realisa e necesidad di comparti Hesus y biba e speransa cu nos ta haya den Dje.

E aña aki, di 23 pa 25 di Augustus, e Congreso a provee entrenamento den 10 areanan di 𝘁𝗲𝗰𝗵𝗻𝗼𝗹𝗼𝗴𝗶𝗮, 𝗲𝘃𝗮𝗻𝗴𝗲𝗹𝗶𝘀𝗺𝗼 𝗱𝗶𝗴𝗶𝘁𝗮𝗹 𝘆 𝗺𝗲𝗱𝗶𝗮, tresi pa 9 oradornan internacional cu a bin di Brazil, Merca y Mexico. Ademas, a comparti e vision pa media y evangelismo digital atraves di 5 accionnan specifico cu hunto kier logra den e proximo lunanan nos dilanti. 

Premio Excelencia den Comunicacion tambe a wordo otorga na 2 congregacion Adventista riba Aruba y Curaçao respectivamente dor di a cumpli cu e criterionan pa por alcansa e di tres premio. 

Durante e ultimo dia di e Congreso, a keda anuncia cu pa proximo aña lo conta cu un evento den cual tur loke a wordo siña durante e ultimo tres añanan aki, lo wordo poni den practica y lo wordo presenta den e 𝗣𝗿𝗼𝗺𝗲 𝗙𝗲𝘀𝘁𝗶𝘃𝗮𝗹 𝗱𝗶 𝗖𝗶𝗻𝗲 𝘆 𝗖𝗿𝗲𝗮𝗰𝗶𝗼𝗻 𝗱𝗶 𝗖𝗼𝗻𝘁𝗲𝗻𝗶𝗱𝗼 𝗱𝗶 𝗜𝗴𝗹𝗲𝘀𝗶𝗮 𝗔𝗱𝘃𝗲𝗻𝘁𝗶𝘀𝘁𝗮 𝗱𝗲𝗻 𝗖𝗮𝗿𝗶𝗯𝗲 𝗛𝘂𝗹𝗮𝗻𝗱𝗲𝘀 . E fecha pa esaki lo ta 2 y 3 di Mei 2025 riba e isla di Curaçao! 

Keda pendiente pa un raportahe fotografico amplio den e proximo dianan riba nos rednan social!